सन 2006 साली डॉ. अभय व डॉ. राणी बंग यांच्या प्रेरणेने सुरु झालेला'निर्माण' हा युवांसाठीचा उपक्रम...
'अर्थपूर्ण जीवनाचा समाजात शोध'ही संकल्पना मध्यवर्ती ठेवून तरुणांसाठी विकसित केलेली ही एक शिक्षणप्रक्रिया...
समाजात सकारात्मक बदल घडवून आणण्यासाठी विविध समस्यांचे आव्हान स्वीकारणा-या व त्याद्वारे स्वत:च्या आयुष्याचा अर्थ शोधू इच्छिणा-या युवा प्रयोगवीरांचा हा समुदाय...
'मी व माझे' याच्या संकुचित सीमा ओलांडून,त्यापलीकडील वास्तवाला आपल्या कवेत घेण्यासाठी स्वत:च्या बुद्धीच्या,मनाच्या व कर्तृत्वाच्या कक्षा विस्तारणा-या निर्माणींच्या प्रयत्नांचे संकलन म्हणजे "सीमोल्लंघन"!
गेल्या एका महिन्यातील निर्माणींच्या धडपडींचे थोडक्यात पण नेमके वृत्त दर महिन्याला आपल्यासाठी घेऊन येतील निखिल जोशीjosnikhil[at]gmail[dot]com, केदार आडकर kedaradkar[at]gmail[dot]comव सीमोल्लंघन टीम!

निर्माणबद्दल अधिक माहितीसाठी -http://nirman.mkcl.org,http://en.wikipedia.org/wiki/Nirman

Thursday, 2 July 2015

सर्चला मिळाली पूर्ण वेळ दातांची डॉक्टर

चेतना सोयाम (निर्माण ६) ९ एप्रिल २०१५ पासून सर्चच्या दवाखान्यालीत दंतवैद्यक सेवेत रुजू झाली. या निर्णयापर्यंत ती कशी येऊन पोहचली? तिच्या सर्च मधील कामाचे स्वरूप काय याबद्दल तिच्याच शब्दात:
            “Dentistry ही विशिष्ट स्तरातल्या म्हणजे पैशाने बऱ्यापैकी असलेल्या लोकांसाठीची आरोग्य सुविधा आहे असं चित्र सध्या समाजामध्ये प्रचलित आहे. याची जाणीव मला माझी Private Practice करताना आणि कालांतराने वायुदलात नोकरी करताना होत होती. या जाणीवेतून dentistry ही आरोग्य सुविधा चार भिंतींबाहेर घेऊन जाण्याची खूप गरज आहे आणि ती तळागाळातल्या सगळ्याच लोकांपर्यंत पोहचली पाहिजे या विचाराला चालना मिळाली.
            आदिवासी म्हणजे नेमकं काय? आदिवासी समाज म्हणजे नेमकं काय? हे जाणून घेण्याची जिज्ञासा होती. शहरात एखाद्याला हिणवण्यासाठी ‘आदिवासी’ हा शब्द सर्रास वापरला जातो. पण खरच आदिवासी मागासलेले आहेत का? आणि ते तसे असले तरी ती परिस्थिती बदलण्याची जवाबदारी माझीच आहे. आदिवासी समाज हा ह्यांचा-त्यांचा समाज नाही तर तो आपला-माझा समाज आहे आणि माझ्या समाजासाठी काम करण हे माझं कर्तव्य आहे अस मला वाटतं.
                        सर्चच्या ‘मां दंतेश्वरी रुग्णालया’त गेल्या वर्षभरापासून सुरु असलेल्या दंतचिकित्सा विभागाची जवाबदारी माझ्याकडे आहे. डेंटल क्लिनिक दररोज नियमितपणे सुरूर करणे हे प्रथम ध्येय आहे. त्याचसोबत सर्चच्या फिरत्या दावाखान्यासोबत जोडलेल्या ४८ आदिवासी गावांना दंतचिकित्सेची सेवा देणे, तिथे Dental Health Survey करणे हे काम देखील सध्या सुरु आहे. पुढे व्यसनमुक्ती टीम सोबत येथील आदिवासी आश्रम शाळा तसेच गैरआदिवासी शाळांमध्ये तंबाखू मुक्ती आणि मुख आरोग्य या विषयांवरील कार्यक्रमात काम करण्याचे नियोजन आहे.”
            चेतनाला तिच्या नवीन कामासाठी शुभेच्छा !

स्रोत: चेतना सोयाम, dr.schetana@gmail.com  

No comments:

Post a Comment